Flipkart आणि Amazon या दोन्ही लोकप्रिय ऑनलाइन शॉपिंग प्लॅटफॉर्मवर पुढील महिन्यात सणासुदीची विक्री सुरू होणार आहे. Flipkart Big Billion Days आणि Amazon Great Indian Festival सेल दरम्यान Apple iPhone मॉडेल्सवर मोठ्या सवलती उपलब्ध होणार आहेत. विशेष ऑफरसह, आयफोन 14 सिरीज, आयफोन 13 सिरीज आणि जुने मॉडेल मूळ किमतीपेक्षा खूपच कमी किमतीत खरेदी केले जाऊ शकतात. परंतु, स्वस्तात डिव्हाइस खरेदी करणे सोपे होणार नाही.
दरवर्षी सणासुदीच्या सेल दरम्यान, सवलतीत उपलब्ध असलेले iPhone मॉडेल काही मिनिटांतच संपतात आणि फारच कमी ग्राहक स्वस्तात iPhone खरेदी करू शकतात. यावेळी देखील ग्राहकांना ५० हजार रुपयांपेक्षा कमी किमतीत iPhone 14 आणि 40 हजार रुपयांपेक्षा कमी किमतीत iPhone 13 खरेदी करता येणार आहे, मात्र फार कमी ग्राहकांना या संधीचा लाभ घेता येणार आहे. मर्यादित स्टॉकमुळे, विक्री सुरू होताच iPhones आउट ऑफ स्टॉक होतात.
• तुमच्या कामात येईल या ट्रिक्स
निवडलेल्या ट्रिक्स वापरून पाहिल्यास, तुम्ही तुमच्या आयफोनची ऑर्डर देऊ शकाल. सेल किंमत उघड होताच, तुम्हाला कोणते आयफोन मॉडेल विकत घ्यायचे आहे याचा विचार करा आणि नंतर खाली दिलेल्या स्टेप्स वापरून ते ऑर्डर करण्याचा प्रयत्न करा.
• ब्राऊजर मध्ये ओपन करा फ्लिपकार्ट
विक्री सुरू होण्यापूर्वी तयार व्हा आणि अँपऐवजी तुमच्या इंटरनेट ब्राउझरमध्ये फ्लिपकार्ट उघडा. कधीकधी अँपमध्ये त्रुटी येतात आणि त्याशिवाय आपण अँपमध्ये पेज पुन्हा पुन्हा रीफ्रेश करू शकत नाही. प्लॅटफॉर्म इंटरनेट ब्राउझरमध्ये जलद लोड होते आणि पेज रिफ्रेश करणे देखील सोपे होते.पेज रीफ्रेश करत रहा जेणेकरून तुम्ही विक्रीची किंमत लाइव्ह होताच पाहू शकाल.
• कार्ड पेमेंटचे ऑप्शन निवडा
विक्री किंमत लाइव्ह होताच, त्वरित खरेदी करा पर्यायावर क्लिक करा आणि पेमेंट पृष्ठावरील UPI किंवा नेट बँकिंग पर्याय निवडू नका. प्लॅटफॉर्म सेल दरम्यान बहुतेक डिव्हाइसेसवर कॅश ऑन डिलिव्हरीचा पर्याय देत नाही. तुम्ही कार्ड पेमेंटचा पर्याय निवडल्यास ते अधिक चांगले होईल कारण UPI आणि इतर पद्धती प्रमाणीकरणासाठी जास्त वेळ घेतात. तुम्ही कार्डचे तपशील आधी जतन करणे महत्त्वाचे आहे.
• तुमची माहिती अपडेट करून घ्या
ब्राउझरमध्ये फ्लिपकार्ट किंवा अँमेझॉन वेबसाइट उघडल्यानंतर, त्वरित पेमेंटसाठी लॉग इन करा आणि तुमचे कार्ड तपशील सेव करा. याशिवाय, तुमचा पत्ता आधीच सेव्ह आणि अपडेट असणे देखील महत्त्वाचे आहे. तुम्ही पहिल्या काही मिनिटांत सवलतीत आयफोन ऑर्डर करणे चुकवल्यास, स्टॉक संपण्याची शक्यता आहे आणि तुम्ही इच्छित डिव्हाइस खरेदी करू शकणार नाही.
